.....(Hal-ku-dhigyo Dhaxal-gal Noqday) = ..... President, C/raxmaan A. Cali: ''Jamhuuriyadda Somaliland dib ayay ula soo Noqotay Qaran-nimadeedii sidaa awgeed, waa dal xor ah oo gooni u taagan maanta (18/05/1991) laga bilaabo''...>>>>> President, Maxamad I.Cigaal:''Jiritaanka Jamhuuriyadda Somaliland'' Waa mid waafaqsan xeerasha u-degsan Caalamka! Sidaa darteed, waa Qaran xaq u leh in Aduunku aqoonsado''...>>>>> President, Daahir R. Kaahin: ''Jamhuuriyadda Somaliland waa dal diimuqraadi ah oo caalamka ka sugaya Ictiraafkiisa''...>>>>> President, Axmed M. Siilaanyo: ''Jamhuuriyadda Somaliland, Boqol sano haday ku qaadanayso helista Ictiraafkeedu way Sugaysaa! Mar dambena la midoobi mayso Somalia-Italia''.....[***** Ha Jirto J.Somaliland Oo Ha Joogto Waligeed *****].....

Saturday, January 14, 2012

Al-shabaab Oo Dhanbaal Hanbalyo ah Soo Gaadh Siisay Shirkii Taleex Iyo Gorgortan Hoose Oo Laba Waji Leh Oo u Socda.


Wararka laga helaayo ilaha Sirdoonka ee Isha ku haya dhaqdhaqaaqyada Siyaasadeed ee Geeska Afika, siiba Somaliland iyo Maamul Goboleedka Puntland ayaa soo tabiyey xidhiidh wada-shaqayneed oo la filaayo in uu dhex-maro kooxdii shirkii Taleex soo abaabushay iyo Al-shabaab. Inta aynaan u gondo-degen xidhiidhku nooca uu yahay, waxa yara jeclaystay in aan faahfaahiyo Al-shabaab iyo halka xaal la maraayo. Al-shabaab waxa ku furan ugu yaraan 7 Aag oo dagaal ah, afar ka mid ah waxay isku hor fadhiyaan ciidamo dowladda shisheeye ka socda oo hub iyo qalabka casriga u dhamaystiranyihiin. Kooxda waxa ku sii daba-yar Saanaddii militari, kadib markii ay joogsadeen hubkii iyo saanadii uga iman jiray dalka Eritrea oo iyadda haatan teeda u yaaban.

Kala-carar iyo baxsasho ku habsatay Maleeshiyaadkii kooxda u dagaalami jiray ee caruurta u badnaa, kadib markii mushahar la’aan iyo xaalad nololeed oo xuni ay soo foodsaartay. Taageerada Shacabka Somaaliyeed ee dheg-weynta ah ay ka heli jreen oo si weyn u wiiqantay kadib markii dadku ku baraarugeen in Shabaab-ku ku abeen abuuranayaan Caqiidada Islaamka. Xalaashadeena dhiiga dadka Islam-ka ah, Shacabkii ku noolaa goobaha Shabaab-ka laga saaray oo afka-furtay iyaga oo sheegay in ay ka raysteen Argagixisadii iyo Gowracii ay ku hayeen Shabaab-ku.

Warkiina waxa uu gaadhay dadka ku nool gobolada kale ee ay Kooxdu ka taliso, taasina waxa ay keentay dareen ah in dadku iska fujin karo Qaniinyada xanuunka badan ee shabaab-ku ku hayaan dadka ku hoos nool. Labadii Xaq daro ku heshiisa Xaq Alleh ayey ku colowdaa, Waxa dagaalka Al-shabaab lagula jiro ku soo biiray iminka oo Muxaadarooyinka Diiniga ah ee la isku Gaalaysiinaayo sida Gantaalaha la isu weydaarsanayaa Kooxda Al-ictisaam (Ex Al-itixaad). Shabaab-ku waxa ay dilal qorshaysan ku khaarajiyeen Wadaado Ictisaamka ah, waxaanay Iclaamiyeen in Dhiigoodo xalaal yahay.....ku dar soo Shabaab-ku waa garab ka soo gø'ay Al-itixaad. waxaana loogu maahmaahaa iminka Ictisaamka Ama Itixaadka

(Booraan Hadimo Ha Qodin hadaad Qodana Ha Dheerayn......ku dhici-doontaana Mooyee)

Dhaqaalo xumo baahsan oo soo wajahday kooxda kadib, markii laga qabsaday ilo dhaqaale oo muhiim ah sida Suuqa Bakaaraha, dekada buurgaabo iyo waliba ta Kismaanyo oo xayiraad saarantahay. Kooxda Shabaab-ku waxa ay si lama filaan ah u fashilmeen oo garan-kooda laga kacay, markii ciidamada Ethiopia ay dhawaan si sahlan oo dagaal la’aan ah kula wareegeen magaalada Baladweyne oo ka mid ah magaalooyinka ugu muhiimsanaa ee Shabaab-ka, ciidamada Kenya ayaa iyaguna qabsaday deegaano badan, iyadoo dagaalo ba'ani aanay ka dhicin

Haatan waxa jira oo soo baxaaya warar ka sheegaaya weeraro ka dhan ah magaalooyinka Baydhabo, Jowhar, Afgooye, Baardheer iyo Ceel-Buur oo ah xarunta ugu weyn ee Alshabaab, waxaana la doonayaa in magaalooyinkaa Alshabaab laga saaro, haddii ay taasi dhacdana waxa hadhaaya waa Kismaanyo iyo Marka oo iyana badda iyo cirka laga weerari doono.

Khubrada u dhuunta-daloosha arimaha ciidan ee shabaab-ka ayaa ka dhawaajiyey in haddii Al-shabaab la jabiyo oo laga saaro magaalooyinka iyo dhulka ay haystaan iminka aanay habayaraatee u suurta-galayn Rogaal-caleen dagaal iyo jabhadayn danbe, sababta oo ah shacabkii Somaaliyeed ee lagu dhex-dhuuman jiray iyo Kooxda oo kala xabaalo seegay, waxa taa kaga daran dhulkii Kaymaha iyo Hawdka ahaa ee Jubooyinka ee ay u carari jireen marka xaalku ku xumaado oo isna gacanta u galay ciidanka Kenya oo ay la socdaan maleeshiyaad hubaysan oo degaanka ah, kuwaas oo wacad ku maray in Gaas iyo Kabriid ama Taraq ku ololiyaan oo dab qabad-siinayaan meesha ay ka uriyaan Shabaab-ka.

Haddii u soo noqdo ciwaanka Qoraalka ama dulucda uu xanbaarsanyahay.......Sirdoonkii ka ag dhawaa shirkii Taleex ka dhacay ayaa soo tabiyey in koox gacan saar la leh Shabaab-ka oo u dhalatay degaanka Sool ay u kala dabqaadaayeen Shabaab-ka iyo Qolda shirka wadatay ama abaabulaysay, laba Damac oo aan Is-daboolayn ayaa la isula yimi ama la is-weydaarsaday. Damaca Al-shabaab.......Shabaab-ka oo ka wabinaaya colaada kaga socota koonfurta Somalia kana baqaaya in si dhakhso ah looga soo saaro dhulkii ay ka talin jireen ayaa watay qoshe ama kaarto ay kaga faa'daysanayaa xasarado iyo dagaalo ka qarxa degaanka ay qolada shirka wadatay kaga dhawaaqeen Maamul goboleedka, kadibna ay ku soo ruqaansadaan degaanka Dhulbahante markii dagaal ka qarxo iskuna balaadhiyaan ilaa buurta Galgala iyo Puntland oo iminkaba ay Faro-baas ku hayaan.

Shabaabku waxa ay u soo jeediyeen Qolda shirka wadatay in ay si qarsoodi ah ugu tababarayaan ciidan u gaar ah iyaga oo fuliya dilalka qorshaysan, qaraxyada, dhigida Miinooyinka iyo la dagaalnka ciidan dawladeed oo habaysan. waxa kale oo ay ku beerlaxawsadeen in ay yihiin hal beel oo sooc ah, taas oo keeni karta in aanay u babacdhigi karin Somaliland iyo Maamulka Puntland.

Damacii Qolda shirka wadatay ama reer Taleex.........Xaaladoodu waxay ahay Beerka Jecli Xaydhana Jecli. Siyaasiyiinta Shirka watay may doonayn in marnaba Shaabada Argagixisadu ama Shabaab-ku ku dhacdo, waana u jeedaan baahida dhaqaale, ciidan iyo xulufaysi loo qabo. Sheekadii waxa dib luugu riixay kooxdii shabaabka gacan saarka la lahayd ee hore-na degaanka dilka qorshaysan, Qaraxyada iyo Kharbudaada uga weday......Wixii intaa ku soo kordha waa la socon doonaa.

By: Osman Abdillahi Sool (Freelance Journalist).

Source: S/l-Patriots

No comments: