HEES
Heestan waxa sameeyay, Abwaanka da' da yar ee C/risaaq Aadan Cumar .
Siddigteenii dhacantiyo
Sooraan hasheenii
Hubka loo sifaystee
Soo raadinteediyo
Sahankeedii dheeraa
Sange faras u fuulee
Saynloow libaax-iyo
Ingiriis ka soomaa
Soo celisay nuuroo
Saatirkeena waynbaa
Saaka May ku beegaye
Intaad sacab garaacdaan
Sawd mida ku heestaan
Ha samaato wada dhaha.
---------- ******------------
Maandeeqdii socdaashee
Soof -daran habowdee
Soomaali midowgeed
Sabaday ku noolayd
Ay ka saartay xeradee
Miiga samada duuliyo
Saban-ada dayaamiyo
Kaaraha wax sahaydiyo
Sawaariikhda oloshiyo
Anoon zuu ka baqanayn
Seefta iyo warankiyo
Soodhka aan ku dhiciyaa
Soo celisay nuuroo
Saatirkeena waynbaa
Saaka May ku beegaye
Intaad sacab garaacdaan
Sawd midda ku heesoo
Ha samaato wada dhaha
By Cabdi-risaaq Aadan Cumar ''Gufi''
F.G; Ha la dhiiri galiyo abwaanada Cusub!
No comments:
Post a Comment