- Xisbiga siyaasiga ah ee ka midka ah xisbiyada qaranka ee sedexda ah ee ka jira dalka Somaliland ee la yidhaa magaciisa UCID, oo intii uu jirayba uu hogaamiya u ahaa mudane eng, Faysal Cali Waraabe, ayaa maanta waxa ku soo biiray nin ka mid ah dhalin-yarada haatan hungurigu kaga jiro talada dalka oo magaciisa la yidhaa Jamaal Cali Xuseen. Jamaal waxa uu ka tirsanaan jiray markii hore xisbiga kale ee siyaasiga ah ee magaciisa la yidhaa UDUB.
Isla maanta markii uu ka cadeeyay fadhi uu yeeshay xisbiga UCID iyo koox la socotay Jamaal Cali Xuseen inuu ku soo biiray xisbiga UCID, ayaa waxa goobtaa laga sheegay inuu mudane Jamaal noqonayo musharaxa xisbiga ee u loolami doona jagada ugu saraysa dalka ee ah madaxwaynenimada! Jamaal oo ka hadlay goobta ayaa sheegay inuu xisbiga UCID u ordi doono doorashada soo socota, waxana uu ka mahad sheegtay Faysal Cali Waraabe, oo uu sheegay inaanu wax shuruud ah ku xidhin ku biiritaankiisa xisbiga UCID. Idaacada Somali-voa ayaa war kooban oo ku saabsan arintan ka faafisay!
*Dhegta maal*
No comments:
Post a Comment