- Xaga dhaqanka & diinta Masar & Siiriyaba waa laba dal oo carbeed oo Muslim ah oo waliba Xisbi Xaakim keliye (Xisbul-bacath) ka wada talin jirey. Laakiin midnimadoodii way fashilantay! Waayo? Halka midnimadii Gambiya & Senegal fashilantay iyadoo labada dalba dhaqan & diin wadaagaan oo waliba Juqraafiyan Gambiye ku dhex taalo Senegal! Waayo? Labada dal ee Siiriya & Gambiyaba waa la muquuniyey waxayna kala kulmeen midnimadii sad-bursi, dulmi & quudhsi. Labadan dalba wixii Somaliland ku habsaday bay kala kulmeen midnimooyinkii.
Somaliland waliba waxaa u dheer xasuuqi 1988 ee arxan daraa ahaa ee lagula kacay shacabkii ku noola Burao, Hargeisa, Berbera, Gebiley & Wadhan. Dagaalkii labaad ee aduunka ka dib waxaa la mamnuucay rushaynta meelaha dadka shacabka ahi ku nool yihiin waxaana loo qeexa (proportionality) oo ah cabirka hubka lagu rido aag: macnawiyan Hargeisa waxaa lagu rusheeyey hub ka badan miisaankii nukleyirki lagu riday Hiroshima. Xasuuqa baaxadan leh reer Somaliland xaq u malaha inay saamaxaan sababtoo ah danbigani waa kabaa’ir aadamaha oo dhan loo geestay: crime against humanity. Waxaa munaasib ah in xabaalaha xasuuqi reer Somaliland caalamka loo bandhigo oo Maxkamadaha Caalamku la xisaabtamaan eedaysanayaashii dambigan fuliyey...
Hoosta guji oo sii akhri:
No comments:
Post a Comment