- Taliskii macangagag ahaa ee Afweyne ka-sakow gumaadkii uu shacabka u geysan jiray
waxa kale oo uu caan ku ahaa in dadka ay isku heybta yihiin loo fududeeyo in ay
dhaqaale iyo mansabyo sar sare helaan. Nimanka sidaa loo naas nuujin jiray waxa
ka mid ahaa ninka loo magacaabay R/wasaraha Somalia iyo kii ka horeeyey ee
Farmaajo. Farmaajo isagoo inan yar ah oo aan aqoon iyo awood waayo
aragtinimaba laheyn ayaa loo dalacsiiyey diplomaasi oo USA la geeyey.
Ninka
dhowaanta loo magacaabay R/Wasarha ee Saacid waxa uu isagu nasiib u yeeshay in
uu ka mid noqdo kuwa loo sameeyey dhaqaale. Waxa taa daliil u ah aduunka uu
heysto ee u hirgaliyey in uu muddo yar shariikado ku sameysto iyo Shariikadii
Shirdoon la odhan jiray ee ganacsiga balaadhan ku laheyd wadanka. Ninkanu wuxu
ka mid ahaa nimankii kootada loo siin jiray in ay kaligood wadanka wax usoo
dajin karaan.
Mudane Saacid wareysi uu dhowaan siiyey siiyey warbaahinta
waxa laga dhadhansan karaa laba arimood: - Ta hore waxa laga dhadhansn karaa
cadaawadda uu u qabo Somaliland taas oo ah tii uu ka dhaxlay adeerkii
Afweyne. Ta labaadna waxa laga dhadhansan karaa aqoon yaridiisa iyo in uu wali
u heysto in dariiqii adeerkii u jeexay shaqeynayo. Waxa uu isdiidsiinayaa in
waaqici cusubi ka jiro arlada, oo dulmigii ay dadka mudada ku hayeen maanta
shaqeyneyn.
Mr. Saacid kol la weydiiyey arrinta Somaliland waxa uu kala saari
kari waayey JSL iyo maamul goboleedyada kale ee ka jira Somalia. Waxan xasuustaa
bari la weydiiyey sua’aashan oo kale adeerkii Afweyne oo uu yidhi:
“G/Waqooyi Galbeed waxa uu la mid yahey uun kuwa kale sida
Galgaduud”.
Mr Saacid waxa uu ilduufay, ama uu u kasayba, in Somali iyo
Somaliland ay kala yihiin laba dal oo caadifad awgeed is-dhexyaacay 1960.
Caadifadaasu oo ku xoog badneyd reer Somaliland, oo doonayey in la helo 5
Somaaliyeed. Cadifadaasu maanta kuma jirto reer quluubta reer Somaliland, oo
sobobo badan oo labaday awgeed, oo uu hormood ka ahaa adeerkii Afweyne ayey
taasu usoo gudhay.
Markaa yuu ku habsaamin Somaliweyn dambe oo lagu
beerlaxawsado reer Somalialnd. Waakii marxuum Cigaal tan oo kale ka
yidhi”Halkii na danqan jirtay waay na bogsatay”
Mr. Saacid
inta aanu afka kusoo taagin meel aan shaqadiisa aheyn(JSL), waxa haboon haddii
ay dhab ka tahay iswanaagintiisu in uu kolka ugu horeysa isagu iskaga bilaabo,
oo uu is xisaabiyo, oo bal ummadda uga sheekeeyo waxa uu ahaan jiray barigii
adeerkii wadanka ka amar ku taagleyn jiray.Waxa haboon in uu isweydiiyo dadkuna
waediiyaan muxuu ka qaban jiray Hargeisa kolkii uu shaqada dawladda ka tagay
1985.?
Ninkanu ha ka sheekeeyoo shariikadii la odhan jiray Shirdoon ee
dhaqdhaqaaqa ganacsi ka wadi jirtay wadanka? Halkeed ka keentay aduunkan aad
heysato ? Ma xoolihii ummadu ay wada laheyd ee lagugu naas nuujin jireybaa?
Haddii ay cadaaladi dhacdo ma laga yaabaa in aad ku xidhmeyso maalkan aad ku
tamataceyso?
Gunaanad:
''Alla ha u naxariistee Abwaan
Gaariye wuxu gabay ku yidhi'':
Nin Dawee la leeyahay
Denbi uu badh leeyahay
Xalka doon la leeyahay
Isaguu u daranyoo
Inuu daaro ma ogola
Daaraanta mililka leh
Denbi uu badh leeyahay
Xalka doon la leeyahay
Isaguu u daranyoo
Inuu daaro ma ogola
Daaraanta mililka leh
Sidaa daraadeed inta hadhaagii Afweyne iyo
kuwii masuulka ka ahaa dulmigii iyo bur burkii wadanka talo la waydiinayo, way
fog tahay in Muqdisho caga dhigato. Sida uu Abwaanku inoo sheegayo, xalka iyagu
ma keeni karaan Waayo xalku iyaguu dabar ku noqonayaa, sidaa daraadeed in ay
fogeeyaan mooyaane soo dhoweyn maayaan.
Xalkuna waxa uu ku jiraa in kolka ugu
horeysa dadkii dambiga iyo burburka ka masuulka ahaa in aan talo la weydiin.
Kolka labaadna sharciga lala tiigsado oo dusha loogu raro dambiyadii ay
geysteen.
Allaa Mahad leh
Allaa Mahad leh
By: Hayaan/ Safka-hore.com
No comments:
Post a Comment