- Fanaanada Caanka ah ee Khadra Daahir Cige oo ka mid ah fanaaniinta aadka loo jecel-yahay codkeeda ayaa waxay markii ugu horeysay taariikhda tirisay, Gabay baroor-diiqa oo la yidhaahdo “Garab Igu Banaanaa’ oo ay u tirisay Alle ha u naxariiste Guddoomiyihii hore ee Bangiga dhexe ee Jabuuti Marxuum Jaamac Maxamuud Xayd, oo ay ahaayeen Walaalo isku dheer, oo ku geeriyooday dalka Kenya taariikhu markey ahayd 11/1/2013. kadib markii uu madaxa-dhiig kaga furmay afar cisho ka hor.
Khadra Daahir Cige waxay gabaykan tirisay 12/1/2013. Waxaanu u dhignaa sidan:
Rabbi kuu gargaaryoo
Jannada eebe kuu garaye
Naxariista guud iyo ta gaar
Eebe kuu gogolye
Gabadhaad jeclaydiyo
Gurboodkii ay ku heysay
Gacaladii walaashaa
Khadraan Samirkan gaadhsiine
Anigana xasuus aan go’ayn
Baa iguud sudhane
Asaxaabtii gebigood
Qalbigu waa gubanayaaye
Gocoshada Xasuustana
Waxaan hadal ku soo gooyey
Gidigeen ILAAHAY janada
Ha ina wadageeyo”.
Kolay geeri lama huraayo
Godkuna waa ina sugayaa
Godkuna waa ina sugayaa
Goobta maanta ay timid
Ayaa noqotey kala guure
Ayaa noqotey kala guure
Garab ayaa banaanaaday
Oo Geesibaa baxaye
Oo Geesibaa baxaye
Tacsi baan gudbinayaa
Dhamaan gudaha Soomaali
Dhamaan gudaha Soomaali
Rabbi kuu gargaaryoo
Jannada eebe kuu garaye
Naxariista guud iyo ta gaar
Eebe kuu gogolye
Gabadhaad jeclaydiyo
Gurboodkii ay ku heysay
Gacaladii walaashaa
Khadraan Samirkan gaadhsiine
Anigana xasuus aan go’ayn
Baa iguud sudhane
Asaxaabtii gebigood
Qalbigu waa gubanayaaye
Gocoshada Xasuustana
Waxaan hadal ku soo gooyey
Gidigeen ILAAHAY janada
Ha ina wadageeyo”.
Gabaygan baroordiiqda ee ay fanaanada Khadra Daahir Cige u tirisay Guddoomiyihii hore ee Baanka dhexe ee Jabuuti Marxuum Jaamac Maxamuud Xayd ee dhawaan geeriyooday ayaa noqonaya gabaygii ugu horeeyey ee ay tiriso muddadii dheerayd ee ay ku dhex jirtey badweynta Fanka Soomaalida.
No comments:
Post a Comment