- Xulka Gobolka Maroodi-jeex (Hargaysa) ayaa galabta (21/06/2013) sanadkii labaad oo xidhiidh ah ku guulaystay tartanka kubadda cagta ee ciyaaraha Goboladda J. Somaliland, ka dib markii ay maanta Gool ku laad ah ay 6-5 kaga badiyeen xulka gobolka Hawd oo ay mar-labaad iskugu soo baxeen ciyaarta kama damabysta. Ciyaartan oo ahayd mid aad u adag isla markaana degan wax gool ah lama kala dhashay 90 daqiiqadood ee ay socotay, ka dibna waxa loo dhigay rikoodheyaal.
Gool-ku-laad (Rigooreyaal) waxay labada xulba dhasheen shantoodii gool ee ugu horeeyay, ka dibna waxa loo dhigay hal hal gool ku laad oo kale.Xulka Gobolka Maroodi-jeex gool ku laadkoodii lixaad way dhashadeen halka xulka gobolka Hawd laga qabtay gool ku laadkoodii lixaad, waxaana sidaasi ku guulaystay xulka Gobolka Maroodijeex, waxaanu koobkani u noqonayaa kii sadexaad ee ay ku guulaystaan. Halkaana waxa ku soo gabagabobay tartankii koobka xulka Gobada ee J.Somaliland ee sanadka 2013-ka.
No comments:
Post a Comment