- Gudoomiye ku xigeenka Aqalka Baarlamaanka ee dalka Jamhuuriyada Diimuqraadiga ah ee somaliland ayaa ku dhawaaqay in wada hadallada Somaliland iyo dawladda KMG ah ee Somaliya aanay ahayn kuwo lagaga noqonaayo gooni isutaaga somaliland, gudoomiye ku-xigeen Md. Cali Yuusuf Axmed wuxuu sheegay in xukuumada Somaliland loo igmaday oo keli ah, sidii ay u kala bixi lahaayeen Somalia iyo Somaliland, oo ay u noqon lahaayeen laba dal oo jaar ah oo walaalo ah.
Gudoomiye ku xigeenka baarllamaanka Somaliland Mudane Cali Yuusuf Axmed wuxuu hadalladaasi kaga dhawaaqay shir jaraa'idnoo oo maanta uu ku qabtay xarunta baarllamaanka jamhuuriyada diimuqraadiga ah ee Somaliland ee ku taal caasimada dalka ee Hargeysa. Go'aamadii ka so baxey shirkii London ayaa ugu baaqey Somaliland iyo Somalia inay wada hadlaan., isla markaana waxa mar labaad hadana lagaga baaqay shirkii kale ee Soomaalida loogu qabtay Istanbool (Turkey). Madaxweynaha maamulka ku meel-gaadhka ah ee Somaliya Sheikh Sharif Sheikh Axmed ayaa horey u sheegey in wadahadalka ay laxiriiraan sugitaanka midnimada Somalia
WYL-News
No comments:
Post a Comment