- Sida la filayo todobaadka soo socda waxa is-aragii u horeeyay ee ay ku kulmaan kana wada hadlaan waxii ka dhaxayn jiray yeelanaya, gudi laba geesood ah oo ka kala socda dalka Jamhuuriyada Diimuqraadiga ah ee Somaliland iyo maamulka ciidamada Afrikaanka ahi degta ku sidaan ee lagu magacaabo DKMG ah ee Soomaaliya.
Waxa laga wada hadlayaa waa sidii labadii dal ee kala madaxabanaanaa ee is-raacay 01/07/1960, ee hooga iyo ba'u kala qabsaday loo kala guri lahaa. Dadka reer Somaliland meel ay joogaanba waxa ay filayaa oo kali ah waxay weeyaan inay is-nabadgelyeeyaan dadkii ay qarankii shaqayn waayay ku darsadeen. Male kale oo meesha yaal ama lala iman karaa waa wax aan dhici karin.
Hadaba, abwaanka magaciisu yahay Ibraahim Xasan Gaagaale ayaa Tix Dardaaran ah oo kooban halkan uga diraya Guddiga Somaliland uga qayb galaysa wada hadallada dhexmaraya, Somaliland Iyo Somalia.
Abwaanku waxa uu yidhi;
Afrikada gumaadbaa ku dhacay, maato garab beeshay
Gobonimo shucuubtii dhashee, Yurub ka guuraysay
Giddigood hungay kala kulmeen, guuldarriyo ciile
Goblamooyin diirkood lehbaa, loogu daw galaye
Lixdankii go`aan lagu degdegay, dawladnimo guurtay
Geedigu hayaan Koonfur degey, garabsi uu doonay
Soddon guuradii kala tagtoo, kala go`doo maagtay
Kala guurka iyagaa kasboo, gabay wanaagiiye
Duudsigii Waqooyiga gilgilay, guushi laga boobay
Dawladnimadi subax laga gayaxay, geeski lagu riixay
Gumaadkii xigee ee arlada, dhiiggu galacleeyey
Bendaradi garbaha loo dhigee, ee madfacu goostay
Dharaar bay midnimo gawraceen, gocosho reebeene
Gobonimo ha loogina markale, laab-la-kaca guursha
W/t: Ibrahim Hassan Gagale
No comments:
Post a Comment